Árborg > gisting

	Gesthús
	senda fyrirspurn

Gesthús eru þyrping 11 hlýlegra sumarhúsa á fallegu útivistarsvæði við Engjaveg á Selfossi. Í hverju húsi er gistirými fyrir 2 - 4, eldunaraðstaða, sjónvarp og baðherbergi með sturtu.  Í þjónustumiðstöð er framreiddur morgunverður, kvöldverður og ostaréttir auk léttvíns og áfengs öls. Við miðstöðina eru tveir heitir pottar til afnota fyrir gesti.

	Hótel Selfoss
	senda fyrirspurn

100 fyrsta flokks herbergi sem eru búin baðkari og/eða sturtu. Í öllum herbergjum eru gervihnattasjónvarp, útvarp, sími, háhraða nettenging, minibar, hárþurrka, buxnapressa o.s.frv.  Einnig eru svokölluð Deluxe herbergi á hótelinu sem búin eru meiri þægindum en önnur. Í boði eru líka reyklaus herbergi og fjölskylduherbergi.  Á hótelinu er glæsilegur „ à la carte“ veitingastaður með einstöku útsýni þar sem boðið er upp á girnilega rétti fyrir hópa og einstaklinga. 

	Menam
	senda fyrirspurn

Veitinga- og gistihúsið Menam er staðsett skammt frá bökkum Ölfusár. Á efri hæð hússins er lítið gistiheimili sem rúmar allt að 9 manns. Þar er áhersla lögð á notalegt umhverfi í heimilislegum stíl. Um er að ræða 1 þriggja manna herbergi og 3 tveggja manna. Herbergin eru rúmgóð og hlýleg. Sameiginleg setustofa og baðherbergi. Tilvalið gistirými fyrir litla hópa eða einstaklinga sem vilja heimilislega og þægilega stemmningu.

	Fosstún
	senda fyrirspurn

Fosstún íbúðarhótel er staðsett við Aðalgötu Selfoss og er það opið 1.júní - 15. ágúst. Boðið er upp á 28 tveggja manna íbúðir og 4 fjögurra manna.Gott aðgengi fyrir hjólastóla. Í hverri íbúð eru uppbúin rúm, sjónvarp, nettenging og sími. Í eldhúsi er allur borðbúnaður, ísskápur og örbylgjuofn.Baðherbergi með sturtu/wc.

	Gistiheimilið Suðurgötu
	senda fyrirspurn

Lítið ástarhreiður til leigu í uppgerðu gömlu húsi á Eyrarbakka í aðeins 30 mín. frá Reykjavík. Uppábúin rúm og handklæði fylgja.
Tilvalin gisting fyrir par, glæsileg aðstaða og notaleg umgjörð. Um ræðir tvö svefnherbergi stofu og eldhús. Í kjallara er svo glæsilegt rómantískt baðherbergi með baðkari úti á miðju gólfi og ruggustól við hliðina.

	Rein Guesthouse
	senda fyrirspurn

Gistingu í fallegu timburhúsi, byggðu af Gísla Kristjánssyni Snikkara árið 1997. Húsið er byggt í anda þeirrar húsagerðarlistar sem hefur tíðkast í þessu litla þorpi, og þykir vera einkennandi fyrir Eyrarbakka. Húsið, sem nefnt hefur verið Rein er á tveimur hæðum. Á efri hæðinni eru tvö tveggja manna herbergi. Þar er einnig stórt og gott sameiginlegt baðherbergi, þráðlaus nettenging og kaffi-tehitunar aðstöðu.
Í borðstofunni niðri er morgunmatur borinn á borð. Niðri er einnig salerni og sturta, og í garðinum sjávarmegin er heitur pottur sem stendur gestum til afnota.

	Sólvangur
	senda fyrirspurn

18 fermetra bústaður með svefnlofti og 5 fermetra verönd. Í honum er svefnpláss fyrir 4 manns og 60 fermetra bústaður með 5 fermetra verönd. Í honum er svefnpláss fyrir 4-6 manns.

	Gistiheimilið Kvöldstjarnan

Nýtt gistihús á Stokkseyri. Gistiaðstaða fyrir 10-12 manns. Íbúð er á efrihæð með stórum svölum. Herbergi á neðrihæð eru með vaski. Setustofa,bað og eldunaraðstaða. Sólpallur er á neðrihæð.

	Tjaldsvæðið við Gesthús
	senda fyrirspurn

Tjaldsvæðin eru staðsett við skemmtilegt útvistarsvæði í hjarta Selfoss. Svæðið þjónar tjöldum, tjaldvögnum, fellihýsum, hjólhýsum og bílhýsum. Sturtur, salerni, almenningssími, eldavél, þvottavél og þurrkari. Sérstakt stæði er fyrir húsbíla. Gestir á tjaldvæðinu hafa aðgang að tjaldmiðstöðinni. Þar er eldavél, vaskur til að vaska upp leirtau, pottar, pönnur og áhöld til eldamennsku, borð og stólar.

	Tjaldsvæðið við Þjórsárver
	senda fyrirspurn

Afar góð tjaldsvæðisaðstaða býðst í Þjórsárveri. Tjaldsvæðin hafa mikið verið endurbætt og er aðstaðan nú með því besta sem gerist á landinu. Rúmgóð svæði fyrir tjöld, tjaldvagna, fellihýsi, húsbíla o.þ.h. Nýtt vandað þjónustuhús auk aðstöðu í Þjórsárveri. Salerni, sturtur, þvottavél, þurrkari, skolvaskur með heitu og köldu vatni, barnaleikvöllur rétt hjá o.fl.

	Tjaldsvæðið V/ Sólvelli
	senda fyrirspurn

Aðstaða fyrir: Tjöld Tjaldvagna/fellihýsi/hjólhýsi Húsbíla

Á Stokkseyri er tilvalið að dvelja og þar á engum að leiðast. Bryggjuhátið verður haldin í júlí. Þar er hið fræga Draugasetur sem inniheldur "Draugabarinn" og sagnfræði, hið nýja Álfa, Trölla- og norðurljósasafn, Rjómabúið á Baugstöðum, Þuríðarbúð, Töfragarðurinn, Veiðisafnið, veitingastaðurinn Við Fjöruborðið, Kajakaferðir og í Lista- og Menningarverstöðinni eru margir lista- og handverksmenn með vinnustofur og gallerí. Í Shellskálanum fæst matvara og ekki má gleyma sundlauginni á staðnum. Fjaran við Stokkseyri er rómuð fyrir mikla náttúrufegurð og nýtur gífurlegra vinsælda meðal ferðamanna. Fyrir austan Stokkseyri er Knarrarósviti en hann er 26 metra hár.