Vík > Gisting

	Ferðaþjónusta bænda Sólheimahjáleigu
	senda fyrirspurn

Sólheimahjáleiga er sveitabær með hefðbundinn búskap og ferðaþjónustu. Bændur á bænum leggja mikið upp úr snyrtilegu, rólegu og notalegu umhverfi. Gestir geta fylgst með bústörfum í samráði við bændurna og fá um leið fræðslu ef þeir óska. Í Sólheimahjáleigu er hægt að fá gistingu fyrir allt að 18 manns í tveimur húsum: 10 manns í eldra íbúðarhúsi og 8 manns í heimagistingu í húsi húsráðenda. Í boði eru uppábúin rúm eða svefnpokapláss ásamt eldunaraðstöðu. Boðið er upp á morgunverð og kvöldverð ef pantað er fyrirfram. 

	Ferðaþjónustan Völlum
	senda fyrirspurn

2 x 5 manna bjálkahús (50 m²). 3 svefnherbergi ( 2 tveggja manna og 1 eins manns). Svefnloft, eldhúskrókur, setustofa og baðherbergi. Möguleiki á að panta morgunmat; húsráðandi kemur með körfu fulla af góðgæti! Eru einnig með hestaleigu, bjóða upp á 1-3 klst. reiðtúra og kennslu fyrir óvana.

	Ferðaþjónustan Eystri-Sólheimum
	senda fyrirspurn

Gisting í uppábúnum rúmum eða svefnpokagisting. Morgunmatur og Kvöldverður. Sumaropnun.  

	Ferðaþjónustan Steig
	senda fyrirspurn

Gisting í uppábúnum rúmum eða svefnpokapláss í 6 góðum herbergjum, 3x eins manns  og 3x 2ja manna herbergi. Heitur pottur. Herbergin eru öll með handlaug, Morgunverður er í boði og léttur kvöldverður ef óskað er  og pantað fyrirfram. Opið allt árið. 

	Gistiheimilið Ársalir
	senda fyrirspurn

Gistiheimilið Ársalir var áður bústaður sýslumanns Skaftfellinga, sem þá var sýslumaður beggja sýslna. Þetta stóra, tignarlega hús blasir við ferðamönnum þegar komið er til Víkur að vestan þar sem það stendur eitt og stakt fyrir ofan Bæjargil. Ársalir bjóða bæði upp á gistingu í uppbúnum rúmum og svefnpokapláss og eru með 6 tveggja manna herbergi og 14 svefnpokapláss.  

	Farfuglaheimilið Norður-Vík
	senda fyrirspurn

Norður-Vík er stórt, reisulegt hús sem stendur ofarlega í Norður-Víkurtúni, rétt norðan þorpsins og og þaðan er frábært útsýni yfir byggðina, ströndina og hafið. Gistiheimilið býður upp á uppbúin rúm og svefnpokapláss. Á heimilinu er gestaeldhús og setustofa sem gestir hafa aðgang að. Stutt er í alla þjónustu.

	Hótel Dyrhólaey
	senda fyrirspurn

Hótel Dyrhólaey er staðsett á Brekkum, ofan á hálsi fyrir neðan fjallið Búrfell. Þaðan er fagurt útsýni yfir “Mið-Mýrdalinn”, þ.e. Reynishverfi, Reynisfjall, Reynisfjöru, að ógleymdri Dyrhólaey sem hótelið dregur nafnið sitt af. Hótelið býður upp á gistingu í uppbúnum rúmum og eru öll herbergin með baði. Stór og rúmgóður matsalur er á hótelinu. Lokað er frá 10. desember - 15. janúar.

	Hótel Edda
	senda fyrirspurn

Hótelið býður upp á gistingu í 21 tveggja manna herbergjum með síma, sjónvarpi og baði. Einnig boðið upp á gistingu í sumarhúsum skammt frá hótelinu. Á hótelinu sjálfu er morgunverðarsalur sem tekur allt að 60 manns í sæti og glæsilegur veitingasalur í Víkurskála þar sem borinn er fram kvöldverður.

	Hótel Höfðabrekka
	senda fyrirspurn

Hótel Höfðabrekka er vinalegt sveitahótel í hinu margrómaða og fallega umhverfi Víkur í Mýrdal. Það er við þjóðveg 1, um 5 km austan við Vík og er opið allt árið. Hér eru 62 vel búin tveggja manna herbergi með baði og 3 herbergi án baðs. Á hótelinu er veitingastaður sem tekur allt að 120 manns í sæti þar sem við bjóðum gestum upp á ljúffengt kvöldverðarhlaðborð yfir sumartímann. Einnig er hádegisverður í boði fyrir hópa, en gestgjafarnir á Höfðabrekku hafa ætíð lagt áherslu á trausta og persónulega þjónustu, góðan mat og vinalegt umhverfi í veitingasal sínum.

	Hótel Lundi
	senda fyrirspurn

Í friðsælu umhverfi við rætur Reynisfjalls er Hótel Lundi. Hótelið er búið 10 tveggja manna og 2 eins manns þægilegum herbergjum með snyrtingu, hárþurrku og síma. Niðri er notalegur veitingasalur og bar. Einnig 20 svefnpokapláss í eins, tveggja og þriggja manna herbergjum, ásamt eldunaraðstöðu og matsal. Tilvalinn staður fyrir unnendur íslenskrar náttúru og fuglalífs.

	Hötturinn
	senda fyrirspurn

Sumarhús með öllum búnaði, fyrir allt að fjóra. Leigð til skemmri eða lengri tíma. Standa í fjallshlíðinni á frábærum stað. Stutt í gólfvöllinn.

	Smáhýsið í Görðum

Garðar eru syðsti bær landsins og er staðsettur við Reynisfjöru. Smáhýsið er á fallegum stað við fjallsræturnar og fjörujaðarinn, þannig að gestum finnst þeir einir í heiminum með brimströndina í nágrenninu og vinalegt gargið í múkkanum. Náttúruperlur á borð við Dyrhólaey og Reynisdranga eru skammt undan. Smáhýsið tekur fjóra í gistingu og er þar eldunaraðstaða og bað.

	Tjaldsvæðið Vík milli vina
	senda fyrirspurn

Tjaldsvæðin í Vík eru rómuð fyrir fagra staðsetningu. Múkkinn verpir í bjarginu fyrir ofan og vaknar fólk við vinalegt gargið í honum á fögrum sumardagsmorgnum. Góða sturtu- og hreinlætisaðstöðu er að finna í þjónustumiðstöðinni. Við tjaldsvæðið er einnig staðsettur fallegur burstabær með tveimur burstum, Hötturinn, sem setur skemmtilegan svip á fallegt umhverfið undir Víkurhömrum. Hötturinn skiptist í tvö hús og er pláss fyrir 6 manns í hvoru húsi.

	Tjaldsvæðið Þakgili
	senda fyrirspurn

Náttúruperlan Þakgil er staðsett á Höfðarekkuafrétti milli Mýrdalsjökuls og Mýrdalssands 14 km frá þjóðveginum. Eins og nafn gilsins bendir til er þar mikil veðursæld.  Beygt er út af þjóðveginum við Höfðabrekku sem er 5 km austan við Vík. Ekið er sem leið liggur inn á heiðar, eftir vegi sem var þjóðvegur nr. 1 til 1955, þar til komið er að skilti sem bendir inn í Þakgil. Vegurinn inn í Þakgil er fær öllum bílum.
Á þessu svæði eru margar fallegar gönguleiðir við allra hæfi. Tjaldsvæði, snyrting og sturta eru á staðnum. Matsalurinn er náttúrulegur hellir og í honum er bæði arinn og grill.